Wala na ginsabat pa ni Presidente Ferdinand Marcos, Jr., ang alegasyon ni anay Ako Bicol party-list representative Zaldy Co nga siya ang sa likod sa P100 billion nga budget insertions sa 2025 budget.
Si PBBM ang yara sa probinsya sang Sabado sa pag bisita sang mga evacuees sa La Castellana kag sa pag inspect man sang sitwasyon sa Moises Padilla.
Iya ginsiling sa katapo sang media nga indi na niya luyag pa i-dignify ang mga gina siling ni Co.
Nag-release sang mga video si Co kun sa diin iya ginsiling nga ang presidente kag ang anay Speaker of the House nga si Martin Romualdez ang nag mando sang P100 billion nga insertion sa 2025 national budget.
Iya man ginsiling nga si Marcos ang nagbaton sang P25 billion pesos nga SOP kun sa diin ang kwarta ang naka butang sa mga mga suitcase kag gin deliver sa official residence sang presidente sa Malacanang compound.
Sa isa ka pahayag nga gin pa gwa, ginsiling ni Presidential Communication Office, acting Secretary Dave Gomez nga hearsay ang mga alegasyon.*