Masobra na sa P1 billion na ang na-release sang Department of Social Welfare and Development nga bulig sa idalom sang emergency cash transfer para sa mga apektado sang bagyo Tino.
Samtang, ginahulat pa sang DSWD ang guidance bahin sa subsidy para sa mga public utility drivers.
Ginsiling ni DSWD Regional Director, Arwin Razo nga mga 90 percent na sila nga nahuman sa releasing sang ECT para sa mga pumuluyo nga apektado sang bagyo Tino.
Suno sa DSWD, as of March 11, naglab-ot na sa 183,251 ka pumuluyo ang nag baton sang cash assistance.
Ini sila ang gikan sa Bago, Binalbagan, Himamaylan, Hinigaran, Isabela, La Carlota, La Castellana, Moises Padilla, Pontevedra, Pulupandan, San Enrique, Valladolid, Bacolod sa Negros Occidental kag Canlaon City sa Negros Oriental.
P1.076 billion na ang na-release.
Ginsiling naman ni Razo nga ang pilot roll-out sang bulig para sa mga public utility drivers sa National Capital Region.
Nagahulat pa sila sang guidance kun paano ini ipatuman sa mga rehiyon.
Damlag pa gin pahayag na sang national government nga magabaton sang P5,000 ang mga PUV drivers kag una nga magabaton ang mga tricycle drivers. Ini para mabuligan sila sa epekto sang pag timbook sang presyo sang langis dala sang gamo sa Middle East.
[sibwp_form id=1]