Patay sa Negros Occidental bangud sang Bagyo Tino ang nagdangat sa 44 kag 53 naman ang missing.
Ini base sa 11am nga report sang Provincial Disaster Risk Reduction Management Office.
Sa Bago City may anum nga gin-report napatay. Lima naman ang missing.
Sa La Castellana, 12 ang napatay, 21 ang missing.
Ang Murcia may yara sang duha nga napatay kag San Carlos City tatlo.
Ang La Carlota City apat ang napatay kag 11 ang missing.
Ang Hinigaran may pito ka napatay kag duha naman ang missing.
Ang Isabela may isa nga napatay kag tatlo ang missing.
Ang Moises Padilla anum ang napatay kag 11 ang missing.
Ang Pontevedra, Binalbagan kag Himamaylan may tig-isa nga napatay.
Ang Negros Oriental may 13 ka napatay. 12 diri ang gikan sa Canlaon City base sa report sang LGU kag isa naman ang sa Vallehermoso. Ang Canlaon City may 14 ka missing.
Suno kay Office of the Civil Defense Regional Director, Donato Sermeno, sa ila initial nga monitoring ang banwa sang Moises Padilla kag La Castellana ang labing nahalitan sang flash floods.
Wala labot sa na-record nga nagkalamatay, suno kay Sermeno may kahalitan sa pananum, infrastructure nga naga lakip sa mga dalanon kag bisan pa sa power lines.
Wala pa sa karon lubos nga nabalik ang kuryente sa mga apektado nga lugar. Ang telecommunication lines ang apektado man.