Padayon ang imbestigasyon sang Police Station 6 angut sa nag luntad nga shooting incident kahapon sa sulod sang City Heights Subdivision sa Barangay Taculing sa Bacolod City.
Suno kay Major Leo Estopa, hepe sang Police Station 6, nakabati sang pag linupok kahapon ang mga residente gikan sa nagalagsanay nga duha ka salakyan.
10 ka basiyo sang caliber 45 pistol ang na recover sa amo nga lugar.
May SUV nga naigo sang bala apang wala man sang na report nga nasamaran suno sa pulis.
Dugang pa ni Estopa may nakita na sila nga CCTV video sa area kun sa diin na capture ang mga imbolbado nga salakyan pero wala makita ang aktwal nga pag tiruhay.
Ila man gina verify pa sa land transportation office ang plate numbers nga nakuha.