Exemption para sa maga park sa dalan Lacson halin Biyernes asta Lunes sang kaagahon ginatun-an sang Bacolod LGU.
Magluwas sa ginapatuman nga regulated clamping kag towing operation Lacson Street, gina tun-an karon sang siudad ang paghatag exemption sa parking kada Biyernes sang gab-i asta Lunes sang kaagahon.
Ginsiling ni City Legal Officer Atty. Romeo Carlos Ting, Jr nga karon nagaserbe OIC sang BTAO, naga ayo ang mga tagdumalahan sang restaurant nga kun pwede ma extend ang exemption sa parking sa amo nga inadlaw para sa kadam-an nga mga customers sa ginakabig food tourism strip.
Nagapati si Ting nga pwede ini ma regulate paagi sa pay parking ordinance.
Gani maga-endorso sila sang rekomendasyon sa konseho para matigayon ang parking exemption sa Lacson Street halin las nuebe sang Biyernes sang gab i asta las singko sang kaagahon sang Lunes.