Sa report sang kapulisan, nagpanugid ang biktima nga ginkilala sa kay Arlen Henarios kag nagreport nga ini ang ginsukot sang mga suspetsado dala pamahog gamit ang armas kag patalom nga dala sang mga ini.
Ang mga suspetsado ang ginkilala nga sanday Ruel Repolidon isa ka ex-Army, Rodolfo Oropesa kag Ernie Palaran, 34 anyos, residente sang So. Busay, Brgy Galicia, Ilog.
Suno pa may Henarios nga ginhambalan pa ini sang mga suspek nga indi sila maghalin kun wala ang mga ini sang may madala.
Pagpadulong sang mga kapulisan sang Ilog sa lugar, ila naabtan ang mga suspetsado kag ginpatigayon ang body search.
Nakuha sa mga ini ang isa ka 45 kalibre nga pistola, isa ka 357 kalibre nga pistola, isa ka taurus snub nose 9mm revolver, isa ka patalom kag iban pa.
Yara na karon sa kustodiya sanv kapulisan sang Ilog ang mga suspetsado nga magapangatubang sang kaso nga grave threat kag pagsupak sang Republic Act 10591 ukon illegal possession of firearms.