Panibag-o nga set sang mga tul-an sang tawo nasapwan sa Moises Padilla

May mga tul-an sang tawo na naman nga nasapwan Martes lang sang aga sa Hacienda Maria Cecilia sa Barangay Crossing Magallon sa Moises Padilla.

Sa report sang Moises Padilla PNP, isa ka nagapang tapas sang tubo sa kampo ang naka sapo sa mga tul-an.

Suno sa hepe sang PNP nga si Police Major Ryan Villasario, posible nga tul-an ini sang isa pa gid sa mga nagkala-anod sang flash flood sa paglaslas sang bagyo Tino sang nagligad nga tuig.

Sang Sabado may mga tul-an man sang tawo nga nasapwan sa banwa nga may kulintas pa pero tubtob karon wala pa makilala ang amo nga persona.

Panawagan sang PNP sa mga nadulaan sang mga himata sang pagbagyo nga makig-angut lang sa ila nga talatapan.*

[sibwp_form id=1]