Yara karon sa ospital ang pangayaw nga taga-Talisay City, matapos matiruhan sa Purok Kagaykay, Barangay 2 sa Bacolod City, Biyernes sang aga.
Suno kay Police Major Eugene Tolentino, hepe sang Station 2, may igo sang bala sa tyan ang biktima kag siya ang natalana nga ipaidalum sa surgery.
Indi pag-intyendihanay ang ginalantaw motibo sa insidente.
Suno sa mga saksi kag base sa nakuha nga CCTV footage sang kapulisan, naglalisay ang suspek kag biktima, antes nag gabot sang pusil ang suspek kag gintiro ang biktima.
Nakadalagan pagwa sa eskinita ang biktima kag nakasakay sa tricycle pakadto sa ospital.
Padayon naman ang hot-pursuit operation sang kapulisan sa nakapalagyo nga suspek.
Duha ka empty shells kag isa ka deformed slug ang narekober sa crime scene.
[sibwp_form id=1]