EMB 6 nagpapanaog sang Cease and Desist Order sa HAPI, Inc. nga naga operate sang palm oil plantation sa Candoni angut sa quarry operations sini kasubong man sa road construction kag iban pa nga mga activities nga ginapatuman.
Sa interview sang Digicast Negros kay Vicente Losbañes ang Enforcement Division Head sang Environment Management Bureau 6, gin serbe ang CDO sa Hacienda Asia Plantations, Inc., ukon HAPI sadtong June 13.
Nag untat na sa ila nga mga activities suno kay Losbanes ang HAPI.
Ang CDO maga pabilin suno kay Losbanes tubtob nga ma address ang issue nga gina atubang sang HAPI lakip na ang kakulang sini sang ECC ukon Environmental Compliance Certificate sa amo nga proyekto.
Damlag pa nagsulat na si Governor Eugenio Jose Lacson kay DENR Secretary Raphael Lotilla nga mag intervene bangud wala labot sa kakulang sang ECC ang mga earth moving activities ang napatuman sa Integrated Forest Management Agreement ukon IFMA area.
6,652 hectares ang sakop sang IFMA nga na grant sa HAPI. Angut diri, suno kay Losbañes ila gina hulat ang sabat sang DENR 6, kun ano ang naka stipulate sa conditions sa IFMA.
Para mapat-od suno kay Losbanes kun bala gintugutan ang palm oil plantation.
Kun gintugutan pila sa area ang sakop diri kag pila ang para naman sa mga forest trees.
“(When possible ma lift ang cease and desist order?) Kun maka comply na sila, sa condition sang cease and desist order nga ginhatag sa ila. (ano ang unod sang cease and desist?) stoppage lang sang ila nga operation with regards sa quarry and road construction. Wala didto na mention ang sa IFMA plantation kay gina clarify pa naton ina sa DENR based sa condition ni IFMA nga ginhatag nila as tenural instrument”, suno kay Losbañes.