Palarong Panlungsod sa Bacolod gin-isol sa Enero 18.
Dungan sa natalana nga division meet ang launching sang nahauna nga Palarong Panlungsod sa Bacolod sa Enero 18.
Ginsiling ni Mayor Albee Benitez nga ila ginpa-isol ang pahampang natungod man sang kakulang sang panahon karon nga Paskwa.
Sa 22 tanan ka mga sports events ginapaabot magapaindis-indis ang mga atleta gikan sa 61 ka mga barangay sa siudad.
Tuyo sang alkalde nga mas mapasanyog ang grassroots sports development program sa handom nga mahanas ang potential sang mga atleta nga sarang magtiglawas sa siudad sa mga national kag international competition.
Samtang sini nga Biyernes natalana nga pasidunggan sang Bacolod LGU ang mga atleta nga nagtiglawas sa siudad kag nangin medalist sa nagtakop nga Batang Pinoy Competition sa Palawan.