Ginpangsunog sang mga armado ang duha ka backhoe, isa ka pison kag isa ka dump truck nga ginapanag-iyahan ni Lance Limkaichong sang Supreme Mega Structure Builders Inc. sa site sang gina kaayo nga dalan sa Sitio Manghuya, Barangay Aya, La Libertad, Negros Oriental, Sabado sang gab-i.
Sa imbestigasyon sang La Libertad PNP, naga-roving ang watchman nga si Dino Gomez sang ginpalapitan sang anum ka armado nga kalalakin-an nga nagpakilala nga NPA.
Gin usisa siya sang mga armado parte sa proyekto kag gin pa sulod sa iya balay sa panaysayon ni Gomez sa PNP, may kapin sa 30 ka mga persona nga nagabantay sa kilid sang dalan.
Saksi si Gomez sang ginsunog ang dump truck kag mga equipment nga ginsundan pa sang linupok sang armas.
Gilayon nga nagpalagyo ang mga armado.
Nagbalor tanan sang P5M ang nasunog nga heavy equipment.
Sa statement gikan sa Leonardo Panaligan Command sang New People’s Army, ila gin ako ang pagpangsunog.
Suno ni JB Regalado, spokesperson sang grupo, ang proyekto ang para sa farm to market road pero suno sa mga rebelde, ini ang dalan ang mangin panugod sa pagsulod sang dalagko nga korporasyon nga indi mga taga La Libertad nga naga lakip sang minahan kag commercial reforestation.