Gin anunsyo ni Bacolod City Police Office Director Police Col. Joeresty Coronica nga maga pabilin ang 5 minute response time sang pulis.
Ini sa pihak sang pagkambyo sang liderato sang PNP.
Sa idalom sang malip-ot nga pagpamuno ni PNP Chief General Nicolas Torre ginpatuman ang lima ka minutos nga pag responde sang mga pulis sa crime scene sa tuyo nga indi na kinahanglan nga ang tawo makadto pa sa police station para mangayo bulig sa pulis kundi ang mga pulis ang ara lang sa dalanon kun kinahanglanon sang bulig ang pumuluyo.
Karon nga ginkakas sa pwesto si Torre kag ginbuslan ni acting PNP chief Lt. Gen. Jose Melencio Nartatez Jr., suno kay Coronica sa mga interview sa bag-o nga pamuno sang PNP iya na nga nasiling nga iya ini padayunon.