Ginpatuman nga community based monitoring system gin suspend sa Bacolod bangud wala nagasanto ang na-collect nga data.
Hulyo sang nagligad nga tuig sang ginsuguran sang Bacolod LgU ang community based monitoring system nga nagatuyo magtipon sang data nga mangin basehan sang mga patigayon nga mga plano kag proyekto sang gobyerno.
Ugaling makapila man ka beses nga wala naga sinanto ang comprehensive survey nga ginapatuman paagi sa mga enumerators.
Gani nagdesisyon si Mayor Albee Benitez nga i-suspend ang programa kag.itugyan na lamang ini sa Philippine Statistics Authority.
Sang Biyernes ginrecall na ang mga equipment nga gin issue sang city planning and development office sa mga enumerators.
Ginpasalig sang alkalde nga magapadayon ang pag trabaho sang 170 ka mga job order workers sandig sa ila kontrata.
Ginalauman sang alkalde nga sa idalom sang pagdumala sang PSA matapos na ang CBMS sa sini nga Hunyo.