Sa statement sang New People’s Army, ila gin-ako ang pagpatay sa isa ka mangunguma sa Purok 1, Barangay Yao-Yao, banwa sang Cauayan sadtong Oktubre 4.
Sa pahayag ni Ka Andrea Guerrero, spokesperson sang Armando Sumayang Jr. Command sang NPA, ila ginsilotan sang kamatayon si alias Jonathan bangud sang iya sulit-sulit nga paghimulos sa isa ka menor de edad.
Suno kay Guerrero, ila ginhatagan tiyansa si Jonathan nga magbag-o sa una nga tion nga iya ginhimuslan ang biktima sang 2024.
Apang suno sa NPA nga sini nga tuig 2026, liwat naman nga ginmolestya sang amo nga persona ang menor de edad kag ginpahog nga patyon.
Ang biktima ang manamog kuntani sang iya mga baboy sang siya ang gintiro sang kapin lima ka mga armado, nga nagresulta sa iya kamatayon.
[sibwp_form id=1]