Ginsiling ni City Administrator Atty. Mark Steven Mayo nakabaton siya sang report nga may mga garbage collectors nga naga nagapanghatag sang sobre kag nagapangayo sang solicitation samtang naga pangolekta sang basura, labi na subong nga bulan sang Disyembre.
Bisan sa idalom sang BENRO ukon private contractor, indi ini pwede.
Dugang pa sang City Administrator, ginadumilian ang tanan nga empleyado sang lokal nga gobyerno nga mangayo sang kwarta ukon ano pa man nga sahi sang pagpangayo-kayo.
Pahayag pa ni Mayo nga indi dapat pag gamiton sang bisan sin-o ang ila posisyon kag ang pangalan sang siudad para sa personal nga interes.
Suno pa kay Mayo nga indi pag i-tolerate ang paghatag sa bisan sin-o nga nagapangayo solicitation ilabi na kon empleyado sang syudad.
May yara sang klaro nga penalidad ang amo nga paglapas kag ini mahimo magresulta sa pagkakas sa serbisyo sang masambit nga empleyado suno sa iya.*