Ginpanginwala sang City Legal Office ang alegasyon nga pagpanakit sa isa ka 63-anyos nga sidewalk vendor sa clearing operation sa Libertad Public Market.
Suno kay City Legal Officer Atty. Karol Joseph Chiu, natabo ang insidente las 6 sang aga sadtong Enero 15, 2026, sang ginkompronta sang City Legal Office Enforcement Team ang 63-anyos nga vendor.
Ang vendor, suno kay Chiu, nagpamalibad nga kakson ang ginabaligya sini nga kamote nga naga-obstruct sa pedestrian lane sa corner sang Lizares Street kag Amelia Avenue.
Nagresulta ini sa pagkumpiskar sang sako sang kamote. Suno sa opisyal, ang vendor mismo ang nagpakita sang agresibo nga pamatasan nga nagtulod kag nag-atake sa tatlo ka miyembro sang enforcement team.
Base sa CCTV footage nga gin-review sang CLO, makapila ka beses nga ginsumbag sang vendor ang personnel, wala ini nagsanto sa alegasyon nga ginsakit sang team ang vendor.
Ginpahayag pa ni Chiu nga ang enforcement team nag-obra sang husto kag nagpakita sang maximum tolerance sa pagpatuman sang clearing operation.*