Ginsiling ni DSWD NIR Director, Arwin Razo nga may 198,984 ka mga apektado nga pamilya sa 4th kag 5th District sa Negros Occidental kag sa Canlaon City sa Negros Oriental ang maga baton.
May 18,839 ka severely affected families ukon yadtong may totally damaged nga puluy-an. Ini sila ang maga baton sang tig P10,325.
May 180,145 naman ka slightly affected families kag ini sila ang maga baton sang tig P5,369.
Suma tutal suno kay Razo masobra sa P1.1 billion ang iga-release nga pondo sa 3rd tranche.
Pilot area ang Hinigaran kag ini ang mangin basehan nila sa simultaneous naman nga pag panagtag nga ipatuman sa iban nga mga LGU.
Gin klaro ni Razo nga balikan pa nila ang La Castellana, bangud may mga wala pa nakabaton sang nag-release sila sadto sang tion sang pagbisita ni Presidente Ferdinand Marcos, Jr.
Sa pihak nga bahin, maga baton man sang ECT ang 1,193 ka mga tourism workers nga na apektuhan sang bagyo Tino. May separado nga P12.3 million para sa ila.
“Nakiki-usap kami sa mga LGUs, sa mga partners natin. Magtulungan kami, because it’s a huge challenge for DSWD. Hopefully we can finish the distribution before the end of the first quarter. Yun ang target namin diyan. Sunod-sunod naman siya. We’ll strategize to have it simultaneously”, suno kay Razo.*
[sibwp_form id=1]