![](https://i0.wp.com/digicastnegros.com/wp-content/uploads/2024/02/image-431.png?resize=810%2C456&ssl=1)
Pagpanagtag sang ayuda para sa mga hog raisers nga apektado sang ASF sa Bacolod ang ginpadayon agud may mabaton sila nga financial assistance sa idalom sang AICS ukon Assistance to Individuals in Crisis Situation.
Apat ka nayon, 13 ka baktin kag pito ka fattening nga ginasagud ni Sarah Jardinico sang Barangay Alijis ang nagkalamatay sang gin igo sang balatian ang mga baboy sa Bacolod sang nagligad nga tuig.
Matapos ang validation sang ASF task Force sa mga kabarangayan nga apektado sang ASF, liwat man nga ginsuguran kaina sang DSSD ang pagpanagtag sang ayuda para sa mga apektado nga hog raisers.
Si Jardinico may P10,000 nga nabaton. Kulang ini sa iya ginapaabot para kuntani mabawi ang kapin 200,000 pesos nga kapierdihan sa negosyo bilang hog raiser.
Paathag ni City Legal Officer Atty. Romeo Carlos Ting, Jr., nagligad pa nga tuig sang na release sang siudad ang kabahin sang P10M nga indemnity fund para sa mga apektado nga hog raisers sa siudad.
Gani kutob sa mga hog raisers nga kulang kag naulihi sa pag submit sang requirements para sa ayuda ang ginpangitaan na lang sang paagi nga makabaton sang financial assistance gikan sa Assistance to Individuals in Crisis Situation nga pondo sang DSSD.