Wala pa man makasapol, pero mahimo nga pagahatagan sa gihapon sang ligwa ang mga alkalde sa idalom sang UNegA sa pagdesisyon kun maga affiliate sa bag-ong porma nga grupo sang Kilusan ng Nagkakaisang Pilipino.
Ini suno kay Cadiz City Mayor Salvador Escalante nga naga pungko bilang Secretary General sang United Negros Alliance.
Ang Commission on Elections hearing para sa application sang Kilusan ng Nagkakaisang Pilipino ukon KNP para mangin isa ka national political party gin-schedule subong nga adlaw.
Si Mayor Albee Benitez ang presidente sang KNP.
Iya ginsiling nga ginkasugtan sang grupo sang mga elected officials kalabanan gikan sa kongreso ang pag tukod sang bag-o nga party nga nga sunod kag naga tib-ong sang ideology sandig sa campaign sang sini nga administrasyon nga nabase sa unity.
Suno kay Escalante kasubong sa nagligad nga piniliay, natungod nga nagkalain-lain ang mga national party ang affiliation sang mga alkalde sa idalom sang UNegA rason nga ginpakamaayo nga ginhatagan sang ligwa ang tagsa nga mag desisyon, mahimo kasubong man ang mangin sitwasyon karon.
Pero dugang pa ni Escalante, indi man ma bale wala ang bug-at ukon impluwensya sang pag pamuno ni Mayor Albee sang amo nga grupo.
“KNP being chaired by Mayor Albee Benitez, ina guro lain naman na nga storya. A leader sang aton local politics di sa Negros, it will put weight sa mga decision sang mga mayors. One or two mayors naka storya na ko most probably amo na matabo, initial reaction is ang nami nga si Mayor Albee ang ga lead, plus may voice kita sa national government if this body will succeed”, suno kay Escalante.