Gin mando ni Presidente Rodrigo Duterte sa kapulisan nga arestuhon ang mga persona nga indi amo ang pag suksok sang ila nga mga face mask agud mapangapinan ang publiko.
Ginpahayag sang presidente nga dapat i detain sang siyam ka oras ang mga violators kag hibaluon kun ngaa wala nila gina suksok sang tadlong ang ila face masks.
Si Police Lieutenant Abegael Donasco, spokesperson sang Negros Occidental Police Provincial Office nag siling nga ila paga sundon ang mando sang presidente.
Pero si Donasco nag siling man nga mahimo sila ang maga saway lang anay una sa mga violators pero kun sige sige ang ila sini nga pag violate kag kun mag bato pa sa arresting officers, sila ang nagakadapat na nga i detain.
Maga depende man sa tagsa ka LGU suno sa kay Donasco kun paano i disiplinahon ang mga pasaway nga indi amo ang pag suksok sang face mask ilabi na kun puno ang mga detention cells sang police stations.