Indi na pagdayunon ni 3rd District Representative Javier Miguel Benitez ang damlag pa gin-file niya nga resolution nga naga hinyo sang inquiry in aid of legislation nga maga serbe kuntani nga fact-finding measure angut sa engkwentro sa Toboso.
Sa iya gin pa gwa nga pahayag ginsiling ni Benitez nga indi niya na igaduso pa ang tikang. May mga pag pangusisa nga gina patigayon suno sa iya sa engkwentro nga natabo nga ginkamatay sang 19 ka persona nga gina alegar katapo sang rebeldeng NPA.
Nalakip na diri suno kay Benitez ang gina patigayon nga investigation sang Commission on Human Rights kag iban pa gid nga ahensya sang gobyerno. Dugang pa sang kongresista ang naga kaigo nga tikang amo nga tugutan ang ini nga mga proseso nga matigayon kag matuman nga wala sang political interference.
Ang hustisya suno sa iya ang malab-ot kun ang tagsa ka institution ang mag buhat sini sang ila tagsa ka trabaho indi nga unahan sila sang Kongreso.
Bilang Negrosanon kag isa ka public servant naga unong siya sa kalisod sang mga himata sang nagtaliwan.
Iya man nga gina dayaw ang 79th Infantry Battalion, ang 3rd Infantry Division, kag ang Armed Forces of the Philippines sa ila nga serbisyo lakip ang barangay officials kag ang komunidad.
Madugay na suno sa iya ang problema sa insureksyon nga indi lamang nag utas sang kabuhi, kundi nag apekto sa mga pamilya lakip na ang pag tin-ad sang mga apektado nga lugar.
May pangabay man siya sa mga mga estudyante, journalists kag mga researcher nga mag coordinate sa ila mga academic institutions, sa barangay kag sa LGU. Ang coordination suno sa iya para man nga ma proteksyunan sila. Dapat pilion suno sa iya ang kalinong kag pat-uron ang kamatuoran.*
[sibwp_form id=1]