Gina abi-abi ni Negros Occidental Governor Eugenio Jose Lacson ang pagpaidalom sang Western Visayas nga naga lakip sang probinsya sa state of calamity.
Suno sa gobernador, naga kasayuran nga paagi sa pondo nga sarang ma access bangud sang amo nga deklarasyon mabuligan ang mga pumuluyo. Suno naman kay Bacolod Mayor Alfredo Abelardo Benitez, paagi sa state of calamity declaration mas mapabaskog ang pag responde sang mga LGU sa kalamidad.
Sa karon suno kay Provincial Social Welfare and Development Officer, Merle Garcia, padayon pa nila nga gina pat-od ang report nga na submit man sa ila nga talatapan angut sa mga apektado ilakip na ang mga nagub-an sang balay.
Tubtob nga ma validate nila ang mga report indi pa man mapat-od ang kantidad sang assistance nga mahatag. Mahimo bwas na maga buhat sang terminal report ang PSWDO suno kay Garcia, bangud nga tubtob may yara pa sang nabilin sa mga evacuation center maga padayon ang ila nga updating sang report.
May 18 ka pamilya ang yara sa gihapon sa evacuation center sa November 3, 12nn nga report sang PSWD.
Suno kay Lacson, wait and see anay ang probinsya bangud ang role sini amo ang pag augment. Una nga naga hatag assistance ang LGU nga apektado nga gina sundan naman sang National Government paagi sa DSWD.
111 ang gin report destroyed houses kag 989 naman ang partially damaged sa November 3, 12 nn nga report sang PSWD.
257.8 million naman ang kahalitan sa pananum kag kasapatan sa November 2 nga report.