Gina-procesos na sa karon sang National Intelligence Coordinating Agency ukon NICA ang mga dokumento nga kinahanglanon para madeklarar nga terorista si suspended Rep. Arnulfo Teves Jr.
Suno kay NICA Director General Ricardo De Leon nga padayon ang pagpangita sang ebidensya sang gintukod nga technical working group.
Ang technical working group ang ginpangunahan sang Deparment of Justice , Anti-Terrorism Council, NICA, NBI kag National Security Authority.
Kun may rekomendasyon ang technical working group gilayon sila nga makigsapol kay Executive Secretary Lucas Bersamin.
Si Teves ang ginatudlo nga isa sa mga mastermind sa pagpatay kay Negros Oriental Governor Roel Degamo kag napulo ka iban pa pero wala pa sang maynapasaka nga kaso batuk sa iya.
Nag hinyo siya sang asylum sa Timor–Leste pero wala ini ginpahanugutan kag gintagaan siya sang lima ka adlaw para magbiya sa pungsod.