Ginsiling ni Bacolod City Councilor Homer Bais nga ila ginaduso ang paghimo sang bag-o nga rota para sa mga garbage trucks sang ISWIMS halin sa economic highway padulong sa Sanitary Landfill sa Barangay Felisa.
Ini matapos nga ginareklamo sang mga residente sang Barangay Felisa ang baho nga ginadala sang garbage trucks ilabi na nga masami ini nagapundo sa Barangay Hall kag malapit sa eskwelahan.
Ila ginakahangawa ang negatibo nga epekto sini sa ila ikaayong lawas.
Suno kay Bais, may nakita na nga alagyan ang siudad kag nagaduso nalang ang siudad nga mabakal ini.
Kun tigayon na nga mabakal sang siudad ang mga nakit-an nila nga mga kampo nga maga serbe nga alagyan, diri na malabay ang mga garbage trucks kag indi na maglabay sa proper sang Felisa.
Nagpatigayon naman sang ocular inspection ang Department of Environment and Natural Resources kag Environmental Management Bureau sa Sanitary Landfill agud ma-verify ang mga gina-alegar nga leakage sang cell number 4.
Sa karun wala pa sang resulta nga nabaton ang siudad may angut sa amo nga inspection.
Samtang, apesar sang pag-withdraw sang Victorias City sang plano nila nga pag-ula sang basura sa Bacolod, gindayon sa gihapon ni Councilor Al Espino ang public hearing may angut diri.
Wala ni bisan isa sa mga environmentalist groups ang nagkadto sa hearing Martes sang aga.
Sandig sa statement sang Negrosanon Initiatives for Climate and Environment ukon NICE ila gin-boycott ang hearing bangud wala man ginarespeto ang ila mga concerns.
[sibwp_form id=1]