Pagbaligya sang P20 per kilo nga bugas ipatuman sa mga barangay sa Bacolod sa madasun nga semana.
Naga-coordinate na ang Bacolod LGU sa Department of Agriculture para sa schedule sang withdrawal sang supply ang bugas gikan NFA nga amo ang natalana ibaligya sang siudad sa tag-P20 kada kilo.
Ginsiling ni Secretary to the Mayor Atty. Marty Go may 5,580 ka sako sang bugas ang nalakip sa purchase order sang LGU nga naga-balor sa P7.7M, nalakip na diri ang subsidy sang siudad.
Sa madasun nga semana ginpaabot nga masuguran na ang pagbaligya sang bugas sa mga barangay paagi sa mga Kadiwa Centers.
Mga senior citizen, katapo sang 4Ps, PWD kag marginalized sector amo lamang ang pwede maka-avail sang P20/kilo nga bugas nga limitado sa napulo ka kilo, kada pamilya sa kada semana.
Kabahin ini sang food security emergency program sang Marcos Administration.
Ginatan-aw sang LGU ang pag-replenish sang supply sa tion nga ini ang maubos na pamaligya.