May mga gin-report nga na panimahuan nga asupre sa mga nabukid nga komunidad sang Bago City, La Carlota City kag La Castellana Lunes sang gab-i.
Ini suno kay resident volcanologist, Mari-Andylene Quintia nga nag paathag nga mahimo may pagsaka sa ginbuga nga sulfur dioxide sang bulkan Kanlaon kag may pag ulan sa pila sa mga nabukid nga bahin sang Canlaon City kag Bago City.
Ang pag impon sang sulfur dioxide sa tubig ulan ang naga resulta sa sulfur stench. May pila sa mga naka panimaho sini nga naga siling nga kusog ang baho.
Samtang, padayon ang pag nubo sang volcanic earthquakes. Sa October 6, nga bulletin sang bulkan Kanlaon may 20 ka volcanic quakes ang na-record, 1,984 ka tonelada sang sulfur dioxide flux kag nag lab-ot sa 1,200 meters ang kataason sang ginbuga sini.
Sa banwa sang La Castellana, suno kay John BF de Asis, ang MDRRM officer sang La Castellana, ang tanan nga barangay sang banwa ang nakapanimahu sang asupre. Pero ang kakusog sang baho naga depende na sa lugar nga ginahamtangan. Nag abiso sila sa mga apektado nga mag gamit sang face mask.
“Kun nakalab-ot siya sa mga down communities, kumbaga depende man siya sa mga report naton nga na receive. Ang hambal nila baho gid kuno kaayo didto sa mga upland communities mas kumbaga mas taas ang sulfur sa area didto sa ila,” suno kay Quintia.
[sibwp_form id=1]