Pagpasubli kag transfer sang rights sa mga gina arkilahan nga stall sa mga merkado luyag dulaon sang siudad.
Gina-finalize na sang Local Market Committee ang masterlist sang mga vendors nga natalana tagaan sang diretso sa mga stall sang Libertad kag Burgos Public Market nga bag-o lang natapos kaayo.
Ginsiling na ni City Administrator, Pacifico Maghari, III nga indi tanan ang sarang ma-awardan sang stalls sa sulod sang merkado.
Sa ginadihon nga amendment sa Market Ordinance, tuyo sang siudad nga dulaon na ang pagsubli pati na ang pag-transfer sang rights agud mapaiway ang kaso sang multiple stall ownership kag ang pagbaligya sang rights.
Kahapon isa ka pagsinapol ang ginpangunahan sang komitiba ni Councilor Celia Flor may angut sa pagligwat sang ordinansa.
Kabahin sa plano sang siudad amo ang pagpasaka sa balayran sa renta sang mga stalls sa tatlo ka mga dalagko nga merkado sang siudad.