Mga children in conflict with the law ang natalana ibalhin sa youth home sa Purok Arao sa Barangay Vissta Alegre sa Bacolod, antes matapos ang tuig.
Malayo na ang laragway sang Social Development Center nga ginatiniran sang mga youth offenders ukon CICL kun ikumparar sang nagligad nga tinuig.
Sadto anay nagalab-ot man masobra 60 ka mga kabataan nga nagapaidalom social transformation sa SDC.
Pero karon may masobra na lang sa 20 ang CICL sa center.
Suno kay Department of Social Services and Development Officer-in-charge Sally Abelarde, nangin dako nga bulig ang mga volunteer organization nga naga-suporta para sa mga kabataan sa SDC.
Ang siudad ang may plano nga ma-develop pa ang SDC pero mahimo nga antes matapos ang tuig, iga-transfer man ang mga kabataan sa natukod nga youth home sa Barangay Vista Alegre.
2013 sang ginsuguran ang pagtukod sang youth home apang tubtob karon wala pa ini mapaderan.
Padayon karon ang assessment sang City Engineer’s Office sa proyekto para sa natalana nga pagbalhin sang mga CICL.