Mga vendors sa mga pampubliko nga merkado sa Bacolod City, ginapapasa na sang mga requirements para sa pagpatuman sang Market Amnesty Ordinance.
Nagapadayon na ang pagbaton sang siudad sang Bacolod sang mga letter of intent kag affidavit of undertaking sang mga vendors sa mga pampubliko nga merkado.
Ini agud mapatuman na ang pagkakas sang mga interest kag surcharges sa ila mga rental fees nga wala pa nabayaran.
Ginsiling ni Bacolod City Administrator Atty. Mark Steven Mayo, nga nagasugod na ang pagbaton sang siudad sa mga application para sa mga tenants sang Burgos Market, Central Market kag Manokan Country.
Samtang natalana pa nga ipaidalum sa orientation ang mga tenants sa Libertad Market antes sila makasugod apply para sa amnesty.
Sa idalum sang ordinansa, kakson na sang siudad ang mga interes sa arrears ukon mga monthly rentals nga wala pa mabayaran sang mga tenants.
Suno kay Mayo, ini ang dako man nga bulig sa mga tenants bangud principal charges nalang ang ila nga bayaran agud makakuha na sila sang business permits.
Samtang, ginaplano na sang siudad ang pag rehabilitate sang tatlo ka mga dalagko nga merkado sang siudad. Pagatutukan sang siudad ang renovation sang mga atop sang mga merkado bangud masami ini nga nagatulo kun mag ulan.
[sibwp_form id=1]