Linibo ka sako sang gina suspetsuhan smuggled nga kalamay gikan sa Thailand ang nakuha sang mga operatiba sang Bureau of Customs sa ginpatigayon nga raid sa Pampanga.
Suno sa Office of the Press Secretary, magluwas sa mga sinako sang kalamay sa sulod sa Lison Building sa San Fernando City, may mga sinako pa gid sang kalamay nga na load na sa mga delivery van.
Ang warehouse owner ang ginhatagan sang 15 diyas nga mag pakita sang dokumento nga maga pamatuod nga legal ang pag-import sang amo nga kalamay.
Suno kay 5th District Reprentative Emilio Yulo ang amo nga operation nagapakita sang tikang sang gobyerno sa pagpasiguro nga may nagakaigo nga domestic supply sang kalamay.
“It’s part of government’s drive to ensure sufficient domestic supply. Part sang continuing action of National Government”, suno kay Yulo.
Ang amo nga raid ang ginmando ni Executive Secretary Victor Rodrguez, base man sa direktiba nga gin hatag ni Presidente Ferdinand Marcos, Jr. Suno kay Rordriguez, ang pag-raid sang amo nga warehouse maga serbe nga paandam sa mga naga hoard sang stock sang kalamay sa tinutuyo nga maka ginansya sa artificial sugar shortage situation subong.
“The BoC’s Pampanga sugar warehouse raid may very well serve as a warning to unscrupulous traders who are currently hoarding their stocks of sugar in order to profit from the current artificial sugar shortage situation”, suno kay Rodriguez.