Pag-lift sang Cebu sang ban sa pagsulod sang baboy kag livestock sa ila nga probinsya ang bentaha para sa mga hog raisers sang Negros Occidental.
Ini suno kay Dr Ryan Janoya ang Chief sang Animal Health and Meat Inspection Services sang Provincial Veterinary Office.
Ang pag-lift sang ban nagakasayuran sang dugang nga market para sa hog raisers sang Negros Occidental.
Suno kay Janoya antes pa man sang African Swine Fever ang probinsya sang Cebu market na para sa Negros Occidental labi na sa mga baboy nga gina lechon.
Tungod man nga bukas na ang Cebu, sarang naman ma tap sang mga local hog raisers ang market sa Leyte kag Samar bahin sa breeder hogs.
Bangud sang restriction nga ginpatuman sa ASF na untat ang pag supply sa sini nga mga areas bangud alagyan ang Cebu para sa sini nga mga shipment.
“Siguro in the coming weeks or months mabatyagan. Actually damo na sang local shippers naton nga previously naga supply sa Cebu nga naga inquire na sang requirements, mga guidelines para maka ship liwat sa Cebu. Then also additional benefit man sa aton kay beyond Cebu maka agi ang aton breeder pakadto sa Leyte. Kay previously mga accredited breeder farms sa Negros amo ni sila ang naga supply sang mga breeder hogs sa Leyte and Samar area”, suno kay Janoya.
Padayon ang pag supply man sang Negros Occidental sang baboy sa mga areas sa Luzon.
Sa masunod nga sinemana ukon binulan mabatyagan na ang epekto sini.
Samtang, naga pabilin ang banning sang Negros Occidental sa pagsulod sang buhi nga baboy gikan sa mga lugar nga may mga kaso sang ASF.