Gobernador kag pamunuan sang Philippine Army ang naga suporta sa desisyon sang presidente nga pag grant sang amnesty sa mga rebelde sa paghaylo sa ila sa pag balik sa sabak sang gobyerno.
Suno sa 3rd Infrantry Division sang Philippine Army, lubos ang ila nga suporta sa pag grant ni Presidente Ferdinand Marcos, Jr., sang amnesty sa mga rebelde bangud ini ang maga bulig tib-ong pa gid sang peace agenda.
Maka bulig man ini sa pag patapos sang armed conflict sa Western kag Central Visayas.
Para kay Governor Eugenio Jose Lacson, mas luyag nila nga makit-an nga maga balik sa sabak sang gobyerno ang mga rebelde sang sa naga bitbit sang armas.
Nagalaum man siya sa madamo ang maga avail sini.
Nalakip sa amnesty ang mga anay NPA rebels kag katapo sang Moro Islamic Liberation Front, Moro National Liberation Front kag Rebolusyonaryong Partido ng Manggagawa ng Pilipinas-Revolutionary Proletarian Army -Alex Boncayao Brigade.
Ang amnesty ang gina grant sa mga rebelde nga naka himo sang krimen nga punishable sa idalom sang Revised Penal Code ukon Special Laws kag na commit may kaangtanan sa pag patuman sang ila nga mga political beliefs.
Wala naman nalakip diri ang mga krimen kasubong sang kidnap for ransom, rape, massacre, terrorism kag crimes against chastity.