Mahimo sa Disyembre 20 may resulta na ang preliminary investigation nga gina patigayon sang Provincial Legal Office karon angut sa pag pa gwa sang pila ka mga public documents sa idalom sang talatapan sang Provincial Treasurers Office.
Suno kay Atty Alberto Nellas, Jr., ang Provincial Legal Officer sang Negros Occidental, nabatun na nila ang sabat ni anay Provincial Treasurer Nilda Generoso sa show cause order nga ginpapanaog sa iya angut sa ginasiling pag pa gwa sang mga dokumento sa Treasurer’s Office sang isa ka job order worker gab-i sang Nobyembre 26.
Mismo si Provincial Administrator Rayfrando diaz ang nakasugata sa amo nga JO worker.
Damlag pa ginsiling na ni Diaz nga ginpahayag ni Generoso nga wala sya sang kahilibtanan sa pag pa gwa sang mga dokumento nga naga lakip sang summary of receipts and collection report kag indi amo ang pag pa gwa sini.
Suno kay Nellas, ila man pasabton ang JO worker pero napahayag na sini nga si Generoso ang nag sugo sa iya sa pag dispose sini.
Gina pat-od pa man kun bala ang mga dokumento nga iga dispose kuntani may epekto sa talatapan sang Treasurer’s Office.
Dugang pa ni Nellas may nagakaigo nga proseso nga gina sunod sa pag dispose sang kasubong nga mga dokumento.
“We will still be working hand in hand with new Provincial Treasurer Atty. Bolivar in order to assess the documents nga na na recover if it will affect her functions. Kun wala man epekto, wala man lang guro issue.
We will ask for his statement as well (JO). Subong ang assumption na da is kay ang JO under sa Provincial Treasurer’s Office the order came from the provincial treasurer herself,” suno kay Nellas.