Nagapadayon sa karon ang pag serbe sang Provincial Government sang Negros Occidental sang ikatlo nga notice to vacate sa 112 ka pamilya sa Brgy 39 sa Bacolod.
Suno kay Provincial Legal Officer Alberto Nellas, Jr., sa ongoing nga pagserbe sang notices may yara sang willing to receive kag may yara man sang naga pamalibad sa pag baton sini.
Gani suno kay Nellas bilang kabahin sang compliance sa 3-notice rule, ila padayon sa karon nga gina serbe ang ikatlo nga notice to vacate.
Pagkatapos sini gina paabot ang pag file sang probinsya sang ejectment case batuk sa 112 ka mga pamilya.
Ang duta nga ginatindugan sang balay sang 112 ka pamilya ang gina panag-iyahan sang pamilya Lizares nga dapat ibalik sang gobyerno probinsyal sa pamilya.
Sang 1954 nagdonate sang duta ang pamilya Lizares sa Negros Occidental High School para gamiton nga school garden.
Ugaling ang amo nga tinutuyo ang wala nasunod, gani sang 2012 nag file ang pamilya Lizares sang cancellation of Deed of Donation.
Ini ang ginpaboran sang korte sa decision nga gin pa gwa sang 2021.
Pero ang probinsya kag ang pamilya Lizares ang nakalambot sa isa ka compromise agreement.
Nakasugtan nga ang duta nga napatindugan na sang mga building sang provincial kag national government ang maga pabilin na lamang sa gobyerno kag ang nabilin naman nga duta ang igabalik sa pamilya Lizares nga wala dapat sang informal settlers.
“Indi man sila willing to leave. They just received the demand to vacate. May next round pa na which is negotiation, basi willing man lang sila mag receive sang financial assistance so indi na ta mag resort sa ejectment”, suno kay Nellas.