Padayon ang pag panagtag sang biocontrol materials kag spraying sang probinsya sa mga katubuhan nga may low kag moderate RSSI infestation.
Ang mga apektado nga area sa Moises Padilla kag La Castellana ang ginbisitahan sang spraying team subong nga Hwebes kag sa Biyernes naka schedule sa Pontevedra.
Sa August 14 nga progress report sa RSSI Biocontrol intervention sang Biosecurity Task Force for Agriculture may 694.6 ka ektariya sang katubuhan nga nasakop na sang ila nga road spraying sang fungi. Ang spraying ang may positibo na nga resulta.
Suno kay Provincial Administrator Rayfrando Diaz karon, target nila ang mga palibot sang red zone ukon ang severely infested areas.
Paathag ni Diaz ang mga yellow ukon green areas nga katupad sang red zone amo ang ila nga gina tutukan para indi na mag lapta pa gid.
Samtang ang probinsya ang nag-hire sang anum ka dugang nga biologist para mag tutok sa insectary para mapabaskog pa gid ang kampanya sang probinsya kontra RSSI gamit ang natural nga pamaagi.
[sibwp_form id=1]