Sa ika anom nga semana, padayon ang pagnubo sang dengue cases sa Western Visayas, magluwas na lamang sa probinsya sang Capiz nga padayon naman nga naga saka ang kaso.
Sa morbidity week 38, ukon September 18 to 24, 2022 nga semana, 192 ang bag-o na report nga dengue cases sa Region 6.
Suno sa DOH ini ang ika anum nga semana nga manubo sa 500 dengue cases ang gina report.
Ang Negros Occidental ang may pinaka mataas nga new dengue cases nga na report, 75. Suno kay Dr Ernell Tumimbang ang Provincial Health Officer, naka bulig gid man ang todo nga kampanya kontra dengue rason nga naga panaog ang dengue cases sa karon. Labing importante ang matinlo nga palibot para mapamatukan ang pagsaka sang dengue.
Naga sunod ang Capiz sa Negros Occidental sa may pinaka damo nga new dengue cases – 33. Pero suno sa DOH ang dengue cases sa Capiz ang padayon nga naga saka. Nagasunod sa Capiz ang Iloilo Province, – 31 new dengue cases.
Isa naman ang bag-o nga dengue death nga na report kag ini ang gikan sa Antique.