Digicast Negros

Padayon ang pagbisita sang mga turista sa Sipalay City

Padayon ang pagbisita sang mga turista sa Sipalay City, humalin sang pagbukas sang siudad sadtong Nobyembre 6.

Masobra sa 230 ka mga turista ang naka bisita kag nakabook tubtob sa Nobyembre 15.

Ini isa ka positibo nga bagay suno kay Jerick Lacson, ang tourism officer, kag gina lauman nila nga mag tayuyon.

Kalabanan sa mga turista mga local tourists nga luyag magpaliwa liwa.

Suno kay Lacson ginkakas na nila ang requirement nga dapat may ipakita nga negative rapid nasal antigen test. Tigaylo mag pa register onlne ang mga luyag magbisita kag mag fill out sang travel travel form nga pirmado sang barangay.

Ini kasunod sang paghinyo man sang reconsideration sang mga resort owners.

May assessment naman nga ginapatigayon ang lokal nga panguluhan.

“Ang first phase nga ini sa reopening medyo indi anay full force. May mga limits anay sa travel options kay indi pa anay allowed ang public transport. Para indi mag dinaguso. Ang sa subong nga protocol anay namon ang may private vehicles. Kay ano man subong staycation para indi na mag hapit hapit pa,” suno kay Lacson.

Exit mobile version
Skip to toolbar