Padayon ang clearing operation sa Ibid Creek sa banwa sang La Castellana.
Suno kay Remuel Lajo ang PIO sang banwa, nagligad pa nga semana nag sugod ang clearing operation sa Ibid Creek kasunod sang pag pahulam sang probinsya sang heavy equipment sini sa banwa.
Ugaling suno kay Lajo ang mga nakalkal nga balas kag volcanic debris gikan sa Ibid Creek sa Sitio Tamburong sa Brgy BiaknaBato ang gintampok man lamang sa kilid sang area bangud wala sila gintugutan sang DENR nga ipa gwa gikan sa area ang mga nakalkal nga volcanic debris.
Sakop sang protected area nga zone ang Ibid creek.
Suno kay Lajo ang isa sa gina lantaw nila amo nga kun mag ulan naman kag yara lamang sa kilid ang na pangkalkal nga mga balas anuron naman liwat ini sang tubig balik mismo sa creek.
Liwat na napuno ang Ibid Creek bangud sang pag anod sang tubig ulan sang mga volcanic debris nga gikan sa naibabaw nga bahin sang BiaknaBato.
Sang bagyo Inday suno kay John de Asis ang pamuno sang Disaster Risk Reduction Management Office may pag awas na sang tubig sa amo nga area.
Luyag nila nga mabutangan sang mini dike para indi na mag-awas ang tubig suno sa iya.
“Indi mag allow ang DENR, dira lang kuno anay ibutang, ipahigad lang. Ipakilid ang tanan. Ang gina ano namon, mag sige ang inulan, ma anod naman na ya”, suno kay Lajo.
[sibwp_form id=1]