P55M nga Command kag Evacuation Center sa Victorias City ang gin-inagurahan. Ini ang bukas para sa mga kaiping nga banwa kag siudad nga naga kinahanglan sang masilungan.
May kapin isa ka libo nga indibidwal ang sarang ma-accomodate sang bag-o gid lamang gin-inagurahan nga Command and Evacuation center sang Victorias City.
Ginsiling ni Mayor Javier Benitez nga bukas ang evacutation center sa mga kaiping nga banwa kag siudad nga posible maapektuhan sang kalamidad kasubong sang baha kag bagyo. Kabahin sang infrastructure project ang state of the art nga command center nga equipped sang centralized monitoring system, mga cctv camera nga sarang makabulig sa disaster risk reduction management unit sa pag-responde sang madasig kag epektibo sa tion sang emerhensya.
Kapin sa P55M ang nagamit nga pondo para sa proyekto pinaagi man sa Department of the Interior and Local Government. Mismo si DILG Secretary Benjamin Abalos, Jr., ang nangin dinapit nga bisita sa inagurasyon sang proyekto. Kadungan ini sa pagbukas sang tuigan nga Kadalag-an Festival pre-sports activities sang siudad.