Miyerkules gina paabot si Speaker Martin Romualdez ukon ang iya nga tiglawas nga mag padulong sa Cadiz City sa paghatag sang 500,000 pesos nga cash assistance sa himata ni Loreta Alacre.
Ini suno kay Cadiz City Mayor Salvador Escalante, Jr., nga nagsiling la una sang hapon bwas ila gina paabot ang turn-over.
Sa national news nag gwa nga sa personal nga pondo ni Romualdez maga gikan ang pondo.
Indi pa man sigurado nga maga abot ang Speaker of the House, kun indi man siya matigayon, maga padala ini sang tigliwas suno sa alkalde.
Si Mayor Escalante kag Second District Representative Alfredo Maranon, III, ang magasaksi sini.
Samtang, sa bahin sang siudad gina buligan sini ang himata ni Loreta sa pag preparar sang lugar sa tion nga maga-abot ang iya sini nga bangkay sa iya puluy-an sa Sitio Camay-an sa Brgy Cadiz Viejo.
Wala labot sa mga canopy nga gin pamutang, gina plastar man ang mga alagyan agudto nga mangin mahapos ang tanan.
Gina paabot pa nila ang pat-od nga petsa sang pag-abot sang bangkay sang caregiver nga napatay bangud sang ginamo sa Israel kag Hamas.
“Actually ang expected arrival ni Loreta mabal-an today. Today pa. Mabal-an kun san-o ipadala. So damo problema. Kun mag-abot di refrigerated na ang casket. So pag abot di kun refrigerated sin-o masaylo. Basi bala pag abot sa Manila, i-rekta di sa Negros te sayluhon sa siya sa ordinary casket those are the things. Sin-o ma shoulder sina. We are working on it man”, suno kay Escalante.