43.1 million pesos nga balor sang assistance ang tigayon nga na-release kaina sa mga benepisyaryo sa Bacolod City kag probinsya angut sa Handog ng Pangulo: Serbisyong Sapat para sa lahat.
773 tanan ka mga benepisyaryo sang TUPAD sa idalom sang programa sang Department of Labor and Employment ang nakabaton sang ila nga pay-out nga tig 4,800 para sa napulo ka adlaw nga ila gin trabahuan.
Paathag ni DOLE Usec Felipe Egargo, Jr., emergency employment ang gina hatag sa mga labing nagakinahanglan sa idalom sang TUPAD.
Masami ang mga benepisyaryo ang yadtong na displace ayhan tungod sang kalamidad. Sila ang gina bayaran santo sa prevailing minimum wage sang lugar. Ginsakdag man ang job fair.
Sa patag naman sang agrikultura, 37.9 million pesos nga balor sang machines, mga upland vegetables kag iban pa nga bulig kag kagamitan sa agrikultura ang gin-release.
1.7 million pesos naman ang na release nga allowance sa 700 ka mga scholars, kag 108,500 pesos nga balor sang fingerlings ang na-release sang Bureau of Fisheries and Aquatic Resources.
Sa isa ka programa dululungan nga gin-release sa bilog nga pungsod ang assistance nga ginpamunuan ni Presidente Ferdinand Marcos, Jr., nga naga saulog man sang iya nga isa 67 nga kaadlawan.
Si Negros Occidental Governor Eugenio Jose Lacson upod ang mga tiglawas sang nagkalain-lain nga ahensya ang nagtambong sa programa kag nagpamuno sang lokal nga hilikuton sa Provincial Capitol Lagoon.