Ginakabig bodegero sang iligal nga droga arestado sang makuhaan sang kapin P41M nga balor sang ginasuspetsuhan shabu sa buy-bust operation sang kapulisan sa Barangay 35 sa Bacolod.
Sa balay sang ginakabig bodegero sang iligal nga droga nga si John Philip Dellomo na-recover sang ginhugpong nga pwersa sang Regional Drug Enforcement Unit, City Drug Enforcement Unit kag Police Station 1 ang masobra anum ka kilo sang ginapatihan shabu paagi sa buy-bust operation nga ginpatigayon sa Purok Malipayon sa Barangay 35 sa Bacolod.
Ginabulubanta nagabalor sang P41 million pesos ang nakumpiskar nga iligal nga droga.
Ginsiling ni RDEU head Police Captain Glenn Soliman, si Dellomo nga isa ka high value individual ang una nga nabaklan sang kapin P60,000 nga balor sang ginasuspetsuhan shabu antes ginpatigayon ang buy-bust operation batuk sa iya.
Gin-aresto man ang iya amay kag utod nga nagpamalabag kag nagpuli sa isa sa mga nagdakop sa iya nga pulis.
Nag gwa nga si Dellomo ang may kaso nga robbery hold-up. Ginsiling ni BCPO Director Col. Joeresty Coronica nga prayoridad nila ang mga HVI nga kasubong ni Dellomo sa pagpati nga may kaangtanan ang nagaluntad nga kriminalidad sa illegal drug trade.
Gina-usisa na sang kapulisan kun sin-o ang supplier sang suspek gikan sa Luzon.