Gin-raid sang katapo sang Criminal Investigation and Detection Group kag Police Station 2 ang isa ka bodega sa Reclamation Area, Barangay 8 sa Bacolod City, Sabado sang hapon.
Naabtan sang otoridad ang balor P1,950,000 sang iligal nga sigarilyo.
Gindakop man ang apat ka mga persona nga nagabantay sa bodega. Sila ang ginkilala kay alyas “Eglen Sr.”, alyas “Eglen Jr.”, sang Dipolog City sa Zamboanga Del Norte; alyas “Dran”, sang Zamboanga Sibugay kag si alyas “Rhea” sang Brgy. Sum-ag sa Bacolod.
Nakahalin naman ang tag-iya sang warehouse antes pa man naka-abot ang mga kapulisan.
Ang bodega nagaserbe nga tambakan sang ukay-ukay apang suno sa CIDG, base sa ila monitoring, diri man ginatago ang mga iligal nga sigarilyo.
[sibwp_form id=1]