Kun madayon ang pagpasaka sa Alert Level 4 sang bulkan Kanlaon, masobra sa 15 bilyones pesos nga pondo ang kinahanglanon sa operation sa sulod sang isa ka bulan ukon 30 diyas.
Suno kay TF Kanlaon head, Raul Fernandez, sa Alert Level 4 ipatuman ang evacuation sa 10 kilometer radius.
Sa datus sang OCD may 96,677 ka individuals ukon 26,540 ka pamilya ang kabilugan nga iga evacuate sa alert level 4.
Sakop sang 15.3 billion pesos nga projected cost sa 30 day operation ang para sa food and non food items, tubig, facilities nga gamiton, cash assistance sa mga apektado kag sa suporta sa edukasyon sang mga kabataan.
Sa pihak nga bahin, sa report sang DSWD may 244.3 million pesos pa nga balor sila nga standby and prepositioned relief stockpile.
Tigayon naman naka release ang DSWD sang 103.6 million pesos nga balor sang assistance sa pito ka mga LGU sa Negros Occidental kag Oriental nga apektado sang bulkan Kanlaon.