Duha ka mga persona, lakip na ang isa ka menor de edad, ang gindakup sang kapulisan sa ginpatigayon nga buy-bust operation sa Barangay Singcang-Airport, Bacolod City, Lunes sang gab-i.
Sakay sa gin-rentahan nga salakyan ang gin-aresto nga sanday alyas “Bulato”, 25-anyos, residente sang Barangay Vista Alegre, Bacolod City kag ang 15-anyos nga si alyas “Jay-ar.”
Suno sa pulis, si alyas “Bulato” ang yara sa listahan sang BADAC ukon Barangay Anti-Drug Abuse Council kag siya ang ginakabig nga High Value Target.
Nakuha sa ila ang 18 ka pakete sang ginasuspetsuhan shabu nga may kabug-aton nga 250 grams.
Nagabalor sang P1.7M ang narekober nga suspected shabu.
Suno sa report sang kapulisan, magluwas sa iligal nga droga, sila ang nakakumpiskar man sang isa ka caliber .357 nga revolver kag duha ka mga bala.
Ginpatigayon ang buy-bust sang mga katapo sang City Drug Enforcement Unit.
[sibwp_form id=1]