Digicast Negros

P1.4M nga balor sang shabu nakuha sa 2 ka buybust operation, isa sa mga subject natiruhan

BCPO photo

Nag agum sang pilas ang subject sang buybust kagab-i sa Barangay Alijis nga si Gino Inventor matapos gina alegar magbato sa kapulisan sa operation.

Sa imbestigasyon, si Inventor nga isa ka high value individual, ang nagpalupok sang iya armas sa kapulisan samtang ginapatigayon ang buybust gani nagbalos man ang pulis kag siya ang natiruhan. 

Gilayon man siya gindala sa ospital agud ma bulong. 

Nakuha sa iya ang ginabulubanta P680,000 nga balor sang gina suspetsahan shabu. 

Samtang, nakuha naman kaina sang kaagahon ang P714,000 nga balor sang iligal nga droga sa buybust operation sa Purok Roadside sa Barangay Tangub. 

Arestado sa buybust ang high value individual nga si Glaiza Alvaran kag iya pa duha ka upod nga sanday Leobert Polvora kag Jonave Umadhay. 

Detained na ang mga gindakop kag kaso nga paglapas sang RA 9165 ang ila atubangon.

Exit mobile version
Skip to toolbar