Gina bulubanta P1.2 billion ang kapierdehan dala sang bagyo Tino sa industriya sang kalamay sa Visayas. Masobra sa 16,000 ka mga sugar farmers ang apektado.
Ini suno sa Sugar Regulatory Administration sandig sa ila nga partial assessment.
Ginsiling sang SRA nga masobra sa 53,000 hectares sakop sang
mill districts sa isla sang Negros, Capiz, Iloilo, Leyte kag Cebu, ang apektado.
Suno kay SRA Administrator Pablo Luis Azcona ang assessment ginpatigayon sini lamang matapos man nga naka recover ang ila nga mga research facilities kag mismo mga empleyado gikan man sa kahalitan sang bagyo Tino.
Dugang pa ni Azcona, ang SRA ang nag mobilize sang ila nga personnel sa pag patigayon sang full assessment sa tanan nga area nga naga lakip sang farmlands nga gin agyan sang bagyo Uwan agudto lubos nila nga makita ang kahalitan sa mga sugarland areas dala sang duha ka mga bagyo.
Ginsiling ni Azcona nga may mga katubuhan sila nga nga nakit-an nga kuntani sarang na ma harvest pero nagkalahapay bangud sang Tino labi na sa fourth kag fifth districts sang Negros Occidental dala sang tubig baha. Naga laum na lamang sila nga tigayon pa maka recover ining mga katubuhan.
Ginapaabot man ang delay sa galing. May apat ka mga sentral sa La Carlota City kag Binalbagan suno kay Azcona ang na pwersa mag untat sa ila nga operation sa halos isa ka semana kay ini sila ang nahalitan man sang bagyo.
Suno kay Azoncona ang bagyo Tino ang isa sa pinaka kusog nga bagyo kag nagdala sang tuman gna pagbaha sa nagligad nga duha ka dekada. Isa ka daku nga pag panghangkat sa industriya nga damlag pa naga pangatubang naman daan sang problema dala sang peste ukon RSSI.
Karon ang SRA ang nagsugod na sa pag procure sang abono para mabuligan ang mga farmers nga labing apetkado. Gina paabot ang distribution sini sa mga mill districts kag sugar associations.*