Ginapat-od pa kun bala may mga Negrense man nga apektado sang gamo sa Ukraine.
Ini suno kay Negros Occidental Governor Eugenio Jose Lacson nga nag pakig-angut sa Overseas Workers Welfare Administration Region 6. Suno kay Rizza Moldes ang officer-in-charge sang OWWA Region 6, nag pakig-angut na sila sa Central Office agudto mangayo sang listahan para mahibaluan kun bala may mga Overseas Filipino Workers gikan sa probinsya ang naipit sa krisis sang Ukraine.
Sa karon gina hulat pa nila ang datus. Wala sang impormasyon suno kay Lacson kun bala may Negrense nga na-apektuhan ukon naka gwa gikan sa Ukraine.
Damlag pa ginpahayag sang gobernador nga siya ang maga sapol kay Sally Barrios ang tiglawas sang mga OFW sa probinsya bahin sa nagakatabo sa Ukraine kag kun paano mabuligan ang mga Negrense nga apektado.
Ginatos na ka mga sibilyan kag may mga kabataan na nga nagkalamatay humalin sang ginsulong sang Russia ang Ukraine sang Pebrero 24. Linibo na nag biya sa Ukraine kag padayon ang pagbiya tuga sang amo nga invasion.