Suporta para sa mga mangunguma sa 18th Negros Island Organic Farmers Festival nga gina patigayon sa karon ang ginahaylo.
Sa nagligad nga duha ka adlaw, masobra sa P746,000 ang nabenta sang mga exhibitors.
Suno kay Dina Genzola ang OIC Provincial Agriculurist sang Negros Occidental, may 141 ka mga exhibitors ang nag pakigbahin gikan sa bilog nga isla.
Humalin sa prutas, utan, kararuton, mga organic produce padulong sa mga tanom ang pwede nga mabakal sa naga padayon nga Negros Island Orgranic Farmers Festival sa South Capitol Road kadungan sa Terra Madre Asia and Pacific 2025.
Suno kay Genzola, apesar sang na agyan sa mga mangunguma sang mag laslas ang bagyo Tino, nag pakig bahin sa gihapon ang mga farmers sa paglaum nga sila makatigayon bawi kag makatibawas sa gin atubang nga pag panghangkat.
Tubtob sa Nobyembre 23, Domingo nga adlaw ang pagsalida sang mga produkto sang mangunguma.