One Negros Response Team ang nagpadulong na sa Cebu para mag bulig sa mga apektado sang linog.
Mga tents kag tubig ang labing kinahanglanon karon.
Sini nga adlaw nag biya padulong sa Cebu ang One Negros Response Team.
Ang Negros Occidental ang nagpadala sang teams kag assets lakip na full logistical support gikan sa gobyerno probinsyal.
Upod na diri ang water distribution and medical team gikan sa Sipalay, Silay, San Carlos kag Sagay nga nag biya sini nga hapon.
Una na nga nag abot sa Cebu ang team gikan sa Cadiz, Escalante kag Talisay.
Suno kay Governor Eugenio Jose Lacson duha ka mga water tankers duha ka mobile water filtration isa ka ambulance isa ka rescue truck kag duha ka utility vehicles ang gin-padala.
Suno sa Office of the Civil Defense – Negros Island Region tubig kag mga tents ang labing kinahanglon karon sa Cebu.
Nag advise na ang Command Post sa Cebu nga indi na kinahanglan ang search ang rescue units.
Mga nagkalain-lain nga LGU, mga non government organizations, mga volunteer groups sa nag kalain-lain nga bahin sang pungsod ang nag padala sang ila nga mga medical kag disaster teams sa Cebu nga labing nga kinahanglan kasunod kahalitan nga natuga sang 6.9 magnitude nga linog.
68 ang gin-report napatay bangud sang linog.
“Coordinate lang, kun mga teams or manpower ang ipadala coordinate sa province kay ang province naga coordinate man di sa OCD para ang abot nila didto maka check in sila systematically sa command post naton.
Sa subong ang isa ka problema nila didto tubi, water supply kag subong nga aga ang sa meeting with NDRRMC gina kulang sila didto sa mga tents kay damo didto nga mga balay nga na totally damaged”, suno kay Sermeno.